DİNYA Bİ ME RA BÊBEXTE

Agirî,
Qoçgirî,
Dêrsim,
Darahênê,
Geliyê Zîlan,

AZADÎ NÊZÎKE

Çûme Panosê,
Warê kor Hisên Paşa,
Cem Memo û Nadir beg,
Ji min re gotin:

COLEMÊRG

Bê xofê Kurdistanê,
Cîhê serhildanê,
Warê berxwedanê,
Tu sebra dilê me Kurdanî,
Bajarê Colemêrgê.

NABORÎNİM

Naborînim
Yên ku devên zarokên me girêdidin,
Û li pêşiya qamerayan,
Milên wan dişkînin,
Naborînim.

KEÇIKA PERÎ

Keçika Perî
Kesek nizane min dil daye te
Nizane xewa şevan li min heram bûye
Kesek nizane,
Tu, şev û roj di hişê min dayî
Dîwane û dîn im,
Sermest im, êdî ez, ez nînim
Neçar im, mirî me,
Ji ber ku tu dilê min dayî.

ÊLÊN KURDA

Her yer, ji bavekî,
Her yek, bi malekî,
Her yek, çêbûye ji gundekî,
Di dawiyê de, herek bûye êlekî.

GUNDÊN WELÊT

Di gundên welêt de, pir xweş e jiyan
Herkes bi aram
Her kes azad e
Her kes di kar û şixulê xwe da ye...

WELAT EZ TE BERNADIM

Welat ez te bernadim,
Ji boy te, ezê zend û mil badim,
Dev ji çeka xwe, bernadim
Heya ku em jî, ji azadiyê şabin.

ÇAVÊN WE DINÊRE WELATÊ MIN

Ey xwîşk û birayên, ji qewmê min
Nevî û nevî çîrçirkên peşiyên min
Baş xwedî kin sparteya, Kalên min
Destên we dinêre Welatê Min

MÛRAT KUŞTIN

Kurd her roj li çalakiyane,
Ji boy mafê xwe, li qadane.


Qelas nabim, ser piyane
Ew kula dilê dijmina ne.

ÎXANET NAYÊ JI BÎRKIRIN

Rojêke were, ew rojan
Emê jî serbest bin, weke hemû gelan
Azadiyê were, ser van erdan
Rojê hilê, ser serê welatê me Kurdan

Emê ji nû ve avakin welatê bav û kalan
Bivisînin zagon û makezonan
Wî çaxî dorê were, we hestî kojan
Hûnê bidin bêrdêla, Kuştina keç û xortan

Îro nebe sibê hemû mafê, bên hildan
Ev ji we re namîne, ey gelî xwefiroşan
Dorê were jê pirsîna hesabê, hezar salan
Wê ji we bê hildin, heyfa xwîna cangoriyan

Kurd dinivîsene hemû xerabiyan
Nebêjin Kurdê bîrkin, van kiryaran
Kurd zanin, Hûn in kurmê daran
Nayê ji bîrkirin îxanet tu caran.


Agirî Ararat (N.O)

04.12.2011

DIXWAZIM TE BIJÎM

Dixwazim te bijîm,
Serê sibê heya nîvro,
Eşeyê heya êvarê,
Têr û têr, bê navber,
Hemû rojê, te bijîm.

Dixwazim te bijîm,
Êvarê heya nîvê şevê,
Nîvê şevê heya berbangê,
Nefes bi nefesî,
Bîstçar saetan te bijîm.

Dixwazim te bijîm,
Yekşemê heya çarşemê,
Çarşemê heya Şemiyê,
Ji qudûm ketî, qudûm ketî,
Hemû hefteyê, te bijîm.

Dixwazim te bijîm,
Payîzê heya biharê,
Havînê heya zivistanê,
Xwêdan bi xwêdanî, te bijîm,
Çar demsalan, te bijîm.

Dixwazim te bijîm,
Çile heya sibatê,
Gulanê heya pûşperê,
Heya vejen nemîne,
Hemû salê, te bijîm.

Agirî Ararat (N.O)

03.12.2011

TUNEBÛNA TE

Demsal hertim zivistan e, bê te,
Ax çi sar e, tunebûna te.

Jiyan, tim jan e, bê te,
Nayê ziman, tunebûna te.

Dinya, tim dojeh e, bê te,
Dişewtîne, tunebûna te.

Derd bê derman im, bê te,
Nayê gotin, tunebûna te.

Roj ronahiyê nade, bê te,
Çi tariye, tunebûna te.

Şev dirêjtir in, bê te,
Çi dijwar e tunebûna te.

Ne saxim wek mirîme, bê te,
Tu peyv nikare qal bike, tunebûna te.

03.12.2011

Agirî Ararat (N.O)

KEÇIKEK HEBÛ

Keçikek hebû ji bajarê Îdirê bû
Ji êlê, Celalî bû
Navê wê jî, Zeynep bû
Mîna zêr, zîv û zînet bû

Dema min ew dît, payîz bû
Ji rojan, çarşem bû
Çax, danê êvarê bû
Hiş ji serê min, wunda bû

Min qey got, ew milyaket bû
Li ber çavê min xûya bû
Lê, ne xewn bû ne jî xiyal bû
Ew rast bû, li ber min sekinî bû

Mîna kewa gozel bû
Pir bedew û şirîn bû
Rûyê delal, qerqaş bû
Nizanim derdekî çawa min rabû

Bixisyet û baqil bû
Bê hempa û xweşik bû
Ew stêrka, şevên tarî bû
Mîna heyva gulanê bû.

Bejn zirav û bilind bû
Dêmên wê de, xemze hebûn
Xebxeb ka wê spî bû
Pir narîn û delal bû.

Xêncî hiş, dil jî min hilda bû
Piştî dîtina wê, hemû derd û kul min rabûn
Di rojê de, xiyalên min de bû
Şev heya sibê xewna min de bû.

03.12.2011

Agirî Ararat (N.O)

MARÊ REŞ

Mêr, Mêrxas û Şêro,
Qehreman û cengawer o
Piling û Pêşeng o
Tu her bijî Marê reş o.

Heft gurçik û Palewan o
Mil bi pola û Jîr o
Şervan û Serkêş o
Tu her hebî Marê reş o.

Zana û zanyar o
Hêvî û goman o
Evîna bindestan o
Xwedê kêmasiya te nede Marê reş o.

Agirî Ararat (N.O)

27.11.2011

Ji boy birêz Qarayilan

ÎŞEV

Zivistan e...

Her dever berf e,

Bahoz û Bager e,

Dinya, ne dinyaya berê ye,

Îşev, ji şevên din cudatir e.

Îşev,

Mîna qiyemetê ye.

Li derve deng tê,

Zûr e zûra Gur an e.

Tirseke mezin dikeve nava dilê Zarokan,

Direvin xwe davêjine paşila Dayîka xwe.

Bav û Dayîk çavên hev dinêrin,

Ew jî ditirsin,

Lê tirsa xwe, ji Zarokan vedişêrin.

Bav bi hêdîka, Jina xwe re dibêje

Îsal çi saleke zehmet e

Dayîk, ber xwe de pile pil dike

Bi dengekî nizim ve, dibêje

Xwedê tu avakî, Xwedê tu avakî.

Zivistaneke pir dijwar e,

Sar e, cemed û seqem e.

Dengê bagerê tê,

Dibê: Ûûjjjjj ûûjjjj.

Zarok xwe ji wusa Dayikê ve dizeliqîne ku,

Di navbera wan de, hewa naçe.

Zarok ji tirsa dibêje: bisimilla, bisimilla.

Herkes ber çirê kom dibe,

Agirê çirê, agirekî zenûnok e.

Dayîk û Bav çavên hev,

Zarok kuleka malê, mêze dikin.

Îsal saleke dijwar e.

Ev zivistana ne mîna zvistanên berê ye.

Û îşev,

Îşev, sibe nabe.

Tirs di dilê herkesî de hakim e,

Êdî roj hil nayê.

Îşev dawiya, Dinyayê ye.

Agirî Ararat (N.O)

30.11.2011

EZ KURDIM

Ez Kurdim
Kurd bê çiya nabe
Ez Kurdim
Kurd bê hesp nabe
Ez Kurdim
Kurd bê şûr nabe
Ez Kurdim
Kurd bê mertal nabe
Ez Kurdim
Kurd bê serhildan nabe
Ez Kurdim
Kurd bê erd nabe
Ez Kurdim
Kurd bê serbestî nabe
Ez Kurdim
Kurd bê azadî nabe
Ez Kurdim
Kurd bê serok nabe
Ez Kurdim
Kurd bê Kurdistan nabe.

Agirî Ararat (N.O)

20.11.2011

ZEYNEBÊ

Zeynebê ez dildarê te me
Evîndar û meraqdarê te me
Çavrê û bendewarê te me
Hêvî û benda hatina te me
Bi şev û roj çav li rêya te me
Heta hetayê ez yê te me

Balgî û doşega te me
Ez guliya porê te me
Kilek ji kilên çavên te me
Ez sorava lêvên te me
Mîntanê ser pişta te me
Ez danaviyê bejna te me

Ez evîndar û hezkiriyê te me
Dergistî û mêrê te me
Malxê wê mala te me
Ez bavê zarên te me
Heya tu hebî ez tim heme
De were neçe, ez gune me.

Agirî Ararat (N.O)

21.11.2011

BINIVÎSÎNE DÎROK

Silav ji te re ey dîrok
Ezê ji te re qala xwe bikim
Binivîsîne
Binivîsîne ku bila cîhan şerm bike
Navê min Oxir e
Ez ji Kurdistanê
Qosera Mêrdînê me
Dema ez bi 13 guleyan ve hatim kuştin
12 salî bûm
Wextekî dijminên qewmê min hatin
Ez û bavê min ve em derê malê kuştin
Paşê çek û sîleh dane ber laşên me
Gotin ev terorîst bûn
Me ji boy wê ew kuştin
Xwestin ku sûcê xwe wusa veşêrin
Lê rastî ne wusa bû
Ji ber wê ez ji te re qala vê bûyerê dikim
Tu binivîsîne ku, bila di paşerojê de
Kes ji wan bawer neke
Bila bizanin bin ku
Ji ber Kurdbûna me
Ez û bavê min, em hatin qetilkirin
Binivîsîne dîrok
Bi tîpên mezin ve binivîsene
Navê min Oxir e
Dema ez bi 13 guleyan ve hatim kuştin
12 salî bûm, zarok bûm
Miradê min di çavên min de ma
Nehîştin ez mezin bim
Binivsîne
Bêje
Oxir 12 salî bû
Û bi 13 guleyan ve hate kuştin.

Agirî Ararat

21.11.2011

ŞEV

Piştî ku herkes radizê
Dikevim xeyalên kûr

Serê xwe didim ser sîngê te
Avirên xwe ber bi rûyê te
Çavên xwe dikutim çavên te
Bê westan û bê navber
Tu destê xwe dixî nav porê min
Û ji min re diaxivî
Guh didim te
Wusa dikevin xewê
Tu ba minî
Dilê min, gelekî rehet e
Dilgeş û aram
Xemê dûr im
Ji ber ku
Evîna min a mezin
Tu cem minî.

Agirî Ararat (N.O)

15.09.2011

DE WERE

Çend roj û meh derbas bûn
Hîn xeberek ji te nehat
Nizanim tu li kurî
Ji kê pirsa te dikim
Xebere kesî ji te tine
Tu her kur bî
Çi dikî nizanim
Lê êdî sebra min nemaye
Were
Bejn Zirava min
Bejn bedewa min
Lêv şirîna min
Lêv hingeva min
Zeyneba min
Tu li kurî ???

Çima nayê, min bîra te kir
De were.

Agirî Ararat (N.O)

27.09.2011

BELÊ

Belê rû kenê
Belê bejn ziravê
Belê lêv şirînê
Belê jiyana min
Belê jina min
Belê hezkiriya min
Belê Zeyneba min
Belê rast e
Venaşêrim
Ez Te zef, zef hezdikim.

Agirî Ararat (N.O)

10.10.2011

Eve evîna me ya Xweda

Dema em armanca despêkirina bi karekî dikin: Înşelah
Dest kar dikin: Bisimilah
Metel bimînin: Elah Elah
Ji xwe ewle bin: Îzna Elah
Xwe wêrîn bin: Elîmelah
Dest ji karekî berdin: Eywelah
Bixwazin heya dawiyê biçin: Ya Elah
Bêhn teng bin: Fesûbhanelah
Bêhn tengtir bin: Hasbînelah
Bêjin bes: Îlelah
Qinyat bikin: Elhemdilah
Sernekevin: Heyelah
Bi serketî kar biqedînin: Maşelah

Xweda temenekî tim ser zimana gotina Elah bide me hemûya.

Agirî Ararat (N.O)

05.11.2011

GULGULÊ -2

Tu hêviya minî Gulgulê
Hêviya rojên xweş

Tu xewna minî gulgulê
Xewna pêşerojên dilşad

Tu xeyala minî Gulgulê
Xeyala ji te dûr neketinê

Tu evînî Gulgulê
Evîna min a mezin

Tu jiyanî minî Gulgulê
Jiyana ku ji Xweda Diyarî

Tu jina minî Gulgulê
Jina ku min min dide kenandin.


Agirî Ararat (N.O)

18.11.2011

GULGULA MIN

Gulgula min
Zeynebê
Bêhna ber dilê min
Zeynebê
Gulgulî tu gulgulî
Şirîna ber vî dilî

Navê wê
Zeynebe
Ez dibêjim
Gulgulê
Gulgule ew gulgule
Gul ber wê diçilmise
Dimire
Ji dilêmin de
Tenê ew gule

Gulgula min
Delal e
Şirîna min
Şerbet e
Gulgula min
Bi dil e
Zeyneba min
Mîna gul e.

Agirî Ararat (N.O)

GULGUL

Gulgula minî tu
Gulê
Gulgulî tu
Dilê
Gulgula vî dilî tu
Canê
Gula bedewî tu
Ez qurbanê.

Agirî Ararat (N.Ö)

18.11.2011

GULGULÊ

Gulgulê,
Ez nikarim, ji te re bêjim gul,
Gul diçilmise,
Dimire.
Gulgulê ger tu gul bî,
Dema gul biçilmise,
Ezê jî bimirim.
Ji ber ku
Ez, bê te nikarim bijîm.

Agirî Ararat (N.Ö)

18.11.2011

DIŞEWITE WAN

Wan di bin berfê da ye
Diqerise ew bajara
Her dever hilweşiya ye
Her dever şerpeze ye
Çav kuderê dinêre bila binêre
Di her deverê xaniyên hilweşiya yî
Û jiyanên perçe kirî hene
Çav kuderê dinêre, wê derê bobelet heye
Wê derê karesat, hilweşîn û girîn heye
Ew der Wan e, Kurd e, Stembar e
Ji ber wê kes dest navêje wî bajarî
Naxwazin pişta xwe rast bike
Pehînekî jî ew didine wî bajarê derdnak.
Herkes koç dike
Herkes direve û diçe
Herkes wî bajarî dihêle û direve
Sir û seqemê de herkes xwe dide ser rê
Herkes Wanê dihêle û direve
Ji ber ku bê çarene
Ji ber ku neçar in.

Yên mayî
Sitara wan çend konên zirav in
Konên ku ji piçek pînê zirav
Di kon de serma dike dayîkek
Dicemide zarokekî piçûk
Hêsir hûr hûr di çavên wî de tên xwarê
Bi destên qefilî ve hêsirên xwe paqij dike
Lê hêsir jî sar in
Serma dikin destên wî
Zarok destê xwe dixe devê xwe
Û pif dikê
Çavên dayîka xwe mêze dike
Dayîk digirî
Zarok digirî.

ÎRO

ÎRO

Îro ji doh zêdetir te hezdikim
Îro pêr û betir pêrtir bêriya te dikim
îro tu li ber çavê min
Ji her rojê bedewtir û şirîntirî
Îro li her rojê cûdatir te dinêrim
Di çavên min de cihê yî
Îro min fêhm kir ku
Tu nîn bî, ez nîn im
Tu tunebî, ez qet nabim
Tu herî, ezê wunda bim.

Agirî Ararat (N.Ö)

20.11.2011